A Rachel, unha nena desperta e curiosa, nada lle gostaba máis que pasear polos arredores da súa casa. Decatárase de que a natureza é un mundo apaixonante e cheo de aventuras. E xa nunca o esquecería, pois adicou toda a súa vida a preservar ese tesouro que temos ao alcance da man. Acabaría sendo unha das primeiras mulleres en mergullarse nos arrecifes de corais e en subirse a un hidrodeslizador para perseguir uns caimáns!!
Pero o máis afouto que fixo foi escribir un libro no que denunciaba que os pesticidas estaban facendo desaparecer os paxaros. Tivo que pelexar moito para que o seu libro "Primavera silenciosa" vira a luz.
Pagou a pena: as súas palabras inspiraron a xeracións que seguen loitando por facer do noso planeta un lugar mellor.