Continuamente, e case desde que nacemos, recibimos mensaxes sobre o amor que axudan a crear falsos mitos: que para ser felices temos que atopar a nosa media laranxa, que os ciúmes son unha mostra de amor… Cando a realidade choca contra estes falsos mitos prodúcese unha frustración que provoca infelicidade e que, en casos extremos, pode derivar en violencia de xénero.
Neste libro atoparás unha serie de retos que che axudarán a reflexionar. A descubrir as túas propias respostas. Enfróntate a eles sen medo, atrévete a pensar á túa maneira. Porque para que a sociedade avance necesitamos mozas que se atrevan a abrazar a realidade con toda a súa complexidade.